ආදරයට ටිවුෂන් දෙන්න..

"ලංකාවේ ප්‍රසිද්ද විද්‍යාලයක සාමාන්‍ය පෙලෙ ඉගෙනුම ලබන ශිෂයෙකු විසින් තම පෙම්වතියට පෙම් හසුනක් ලියයි. කෙසේ හෝ එය පංති ගුරුවරයා අතට පත් විය. පසුව ඔහු එය වරදක් ලෙස දැක විදුහල්පති වරයා අතට පත් කිරීමට කටයුතු කලේය. විදුහල්පතිවරයා නිදහස් වෙලාවක නිකමට මෙන් එම පෙම් හසුන කියවද්දී ඔහුට පසක් වූවේ එය ඉතා නිර්මාණශීලී අයුරින් සකක් කරන ලද්දක් බවයි. කලාව පිලිබඳව උනන්දුවක් ඇති එතුමා නැවත පාසල් දිනයකදී. ඒ බව පාසලේම සංගීත ගුරුවරයෙකුට ඉදිරිපත් කිරීමයි. ඔවුන් දෙපලගේම අදහස වූවෙ ගීතයකට අවශ්‍ය පදවැල තිබෙන බවයි. පසුව අදාල පංති භාර ගුරුවරයා ලවා ලිපියේ හිමිකරු ශිෂ්‍යා විදුහල්පති කාර්‍යාලයට ගෙන්වා ගත්තේය. බියෙන් තැතිගෙන පැමිනි ශිෂ්‍යා නැවත පැමිනියේ සිනා මුසු මුහුනිනි. සංගීත ගුරුවරයා උපදෙස් දුන්නේ එම ලිපිය නැවත ලියා දෙන ලෙසයි. ආලයෙන් මත්වූ ශිශ්‍යා නැවත එය ලිව්වේය. පසුව ප්‍රසිද්ද ගායක තීක්ෂන අනුරාධ ලවා ගීතයක් කියවා ගැනීම සිදුකල අතර. පද වැල අදාල 11 වැනි ශේණියේ අදාල ශිෂ්‍යාගෙනි. සංගීතයද විද්‍යාලයේ ගුරුපියාගෙනි. ඉදිරියේදී එලි දැක්වීමට නියමිත ගීතට සඳහා රූප රාමු සිය

ල්ලක්ම පාහේ විද්‍යාලීය පරිශ්‍රියේදි සිදු වූ අතර, රූප රාමු වල සිද්දිය සැබෑ සිද්දියට සමාන අයුරින් නිපදවා ඇත. විද්‍යාලීය ගුරුවරියකද නිශ්පාදනයට දායක වී ඇත...."

මගේ මුවට සිනහවක් නැගුනේ , පෙම් හසුන් ලියා අපරාධකාරයන් ලෙස හංවඩු ගැසුනු අතීත පාසල් සිදුවීම් ගණනාවක් මතකයට නංවමිනි.... ප්‍රේමය අපරාධයක් නොවේයැයි , එමෙන්ම ප්‍රේමය නිරන්තරයෙන් නිර්මානශීලී මිනිසුන් බිහි කරන්නේ යැයි හඳුනාගත් විදුහල්පති වරයා සැබවින්ම හොඳ නායකයෙකි. හොඳ මග පෙන්වන්නෙකි...  

ආදරයට ටිවුෂන් දෙනු වස්  හොඳම ගුරුවරුන්, දෙමාපියන් යැයි මා වරෙක ලිව්වා ඔබට මතකද? ආදරය ලියුම් ලිවීමෙන් , අතින් ඇල්ලීමෙන් හා හාදු දීමෙන් පමණක්මත් බොහෝ හංවඩු ගසා ගත යුතු 'බාලාපරාධයක්' නොවන බව හඳුනා ගැනීමම ලංකාවේ වැඩුනු පුද්ගලයකුගෙන් බලාපොරොත්තු විය නොහැකි දෙයකි. 

ක්‍රියාවකට එරෙහිව ගන්නා ප්‍රතික්‍රියාව තවෙකෙකුගේ ජීවිතයක් වෙනස් කරන්නේ කෙසේදැයි මෙයම හොඳ උදාහරනයකි...  

සිය සිත ගත් කෙල්ලට ලියූ ආදර ලියුම , එය හසු වීම , එය විදුහල්පතිගේ අතට පත් වීම යන වැරදීම් තුල කොපමණ වෙනස් ඉරණමක් සැඟවී තිබේද ? පාසල් රැස්වීමක සියල්ලන් ඉදිරියේ කෝටු පහර දුන්නේ නම් , මේ කොලුවා සිය ජීවිතයම අඳුරේ හෙලා ගන්නට එයද ප්‍රමානවත් වනු ඇත . පන්තියේ ගුරුවරයා ඔහුට රහසේ තරවටු කොට ලියුම විසික්කා කොට දැම්මේ නම් , ඔහු තාමත් කෙල්ලට හොර ලියුම් වෙනුවට එස් එම් එස් ගහනවා ඇත. ගුරුවරයාට පවා හසු නොවී ලියුම කෙල්ලටම ලැබුනේ නම් , එක් කෙල්ලක් සතුටු වනු ඇත. උන් දෙදෙනා සතුටෙන් සිටිනු ඇත. එක්කෝ කෙල්ල බෑ කියනු ඇත. කොල්ලා තව ලියුම් හොරෙන් ලියනු ඇත. 

එහෙත් ඒ සියල්ලා අභිබවා දෛවය බොහෝ විස්මයජනක දෙයක් සිදුකොට තිබේ. හොරලියුම් ලියූ කොල්ලා අද ගීත රචකයෙකි. ඔහු ලියූ හොර ලියුමේ වචන වලට හඬ පොවන්නේ රටේ නම ගිය ගායකයෙකි. ඇතැම්විට කොල්ලා ලද හොඳම ජීවිත පාඩම මෙය විය හැකිය. ඔහු කෙල්ලෙකුට ලියුම් ලියූ බව අද රටටම නොරහසකි. එහෙත් ඒ රහස පිටුපස්සේ , ඇතැම් විට පන්තියේ සිතගත් ඇයට වඩා බොහෝ විසල් ලෝකයක් ඔහු දිනාගෙන තිබේ. ඔහුට ජීවිතය දිනාගෙන යාමට මගක් විවර වී තිබේ.  

ගුරුවරයෙකු යනු වචනයේ පරිසමාප්තාර්තයෙන්ම , සිය සිසුන් උදෙසා ජීවිතය දිනා දෙන්නෙකු' විය යුතුය. සිය සිසු සිසුවියන්ගේ ජීවිතය ගුරුවරයකුගේ නාමයෙන් ආලෝකමත් වනු විනා , අඳුරට නොයා යුතුය. 

නවෝද්ට ලැබුනු හොඳ ඉස්කෝලේ මහත්මයා සහ ගුරු භවතුන් පිරිස නවෝද්ගේ ජීවිතයට ගෙනාවේ නව බලාපොරොත්තුවකි. අහුවූ ලියුම තුලින් ඔහුට ජීවිතයේ තෝන් ලනුවත් අහුවීම දෛවයේ විස්මයජනක බව අපට කියයි.  

ආදරය සුප් හොද්දක් , රෝසමලක් , හාදුවක් යන මානයෙන් ඔබ්බට ගොස් , ආදරය ජීවිතයට පන්නරයක් වන්නේ , ආදරයේ සුන්දරත්වය හඳුනාගත් , වැඩිහිටියන්ගේ මනා ප්‍රතික්‍රියාවෙනි... 

මම ආසයි හිනා වෙන්න, ජීවිතයම නුඹත් එක්ක...

නොවරදවා ඹබ එන විට, සිනා මලක් අරන් එන්න..

මම ආසයි යාඵවෙන්න, ජීවිතයම නුඔත් එක්ක...

නොවරදවා ඔබ එනවිට, ලෙන්ගතුකම අරන් එන්න..

මම ආසයි නුඔත් එක්ක, සෙනෙහයේ සුව විදින්න...

අද ඇවිදින් නුඔ යන විට, තුටු කදුලක් තබා යන්න....

ගීතය අහන්න.

මගේ පුංචි රෝස මලේ...

    මම උගන්වන මගේම ටියුෂන් පන්තියේ, මම දැකපු හුරතල්ම පුංචි කෙල්ල එයා. ගෑණූ ළමයි මහ ගොඩාක් මැද , මගේ හිත අහම්බෙන් හරි නැවතුනේ පුංචි ,අහිංසක,හුරතල් ගෑණූ ළමයෙක් ළඟ. ඒ ගෑණූ ළමයා දැක්කාම මට හිතුනෙ එකම එක දෙයයි.."අනේ මට මේ පුංචි කෙල්ල මගේම කරගන්න තිබ්බානම්" කියලායි. ඒත් එක මොහොතකින් මම ගැන මතක් වුනාම, මගේ වයස ගැන හිතුණාම,මෙහෙම ආදරයක් අසම්මතයක් ද කියලා හිතුණා. ඒ නිසාම මම දස දහස් වාරයක් හිත ඇතුළෙන් තැවුණා.හඬා වැටුණා. තව අවුරුදු 10ක් වත් වයසින් බාල වෙන්න තිබ්බානම් කියලා හිතුනා. එහෙනම් පන්තියේ කෙළවරේම බංකුවකට වෙලා මේ පුංචි කෙල්ල දිහා බලාගෙන ඉන්න තිබ්බා නේද කියලා හිතුණා. පුංචි කොළ කෑල්ලක් අරන් කවියක් ලියලා යවලා, ඒ සුදු මූණේ හැඟීම් දිහා හොරෙන් බලන් ඉන්න තිබුණානම් කියලා හිතුණා.ඒ හිතට සර් කෙනෙක් නොවී, යාළුවෙක් වෙලා ළං වෙන්න තිබුණා නම් කියලා හිතුණා.ඒත් හැමදේම වෙනස් කරන්න බැරි තරමට කාලෙ ගෙවිලා හමාරයි..

තවත් ගෑණූ ළමයි රොත්තක් එක්ක, හුරතලේට දඟ කර කර පන්තියට දුවන් එන ඒ පුංචි කෙල්ල, මගේ ඇස් මානෙම මලක් වගේ පිපිලා තියෙද්දි , ඒ මල නෙළා ගන්න බැරිව ලතැවුනූ මගේ හිත විඳෙව්ව තරම දන්නෙ මම විතරමයි.ආදරේට වයස ප්‍රශ්නයක් නෑ..ඒත් තරුණකම යාන්තමට ගෙවීගෙන යන මගේ හිතින්, ඒ පුංචි කෙල්ල ගැන තියෙන හැඟීම පහ කරන්න බැරි තරමට මම අසරණ වෙලා.

පන්තියෙ උගන්නන වෙලාවෙදිත් එහෙ මෙහෙ දුවන මගේ ඇස් එකසැරේම නවතින්නෙ ඒ ඇස් ලඟමයි. "කියාගන්න බැරි මේ හැඟීම මගේ ඇස් වලින්වත් කියවලා තේරුම්ගන්නවනම් මේ පුංචි එකී??" මගේ වියපත් හිත බොළඳකමින් පිරිලා ගියා.බෝනික්කියක් වගේ ඇස් නටව නටව ළඟ ඉන්න යාළුවොත් එක්ක කියවන කතා අහන් ඉන්න මගේ හිත ලෝබකමින් ඉතිරිලා ගියා. 

ඇත්තටම ඔයා රෝසමලක්. සුවඳ උතුරන ලස්සනම ලස්සන රෝස මලක්.  මට හුඟාක් දුරින් පිපුණූ පුංචි මලක්. මම ඒ මල ට ළං වෙන්න හිතාගන්නවත් බැරි වියපත් බඹරෙක්.ඔයාගෙ හීනෙකටවත් ලං වෙන්න බැරි මම අසරණයෙක්. ආදරේ නාමයෙන් ඔයාගෙ හීන ලෝකෙ සැරිසරන්නවත් පිනක් නැති මම අවාසනාවන්තයෙක්.

සිංහල  උගන්වන මගෙන්, එයා ඉගනගන්න ආවෙ සිංහල  මිස ආදරේ වත්, ජීවිතේවත් නෙවෙයි. ඒත් මුරණ්ඩු මගේ හිතට දැනෙන නොඉවසිල්ල, අහිමි කරපු සැනසිල්ල, ආපහු මටම ලබාගන්න විදිය මට උගන්වන්න පුළුවන් එයාට.ඔව්.. එයාට විතරමයි. පන්තියෙ ඉගනගන්න කොල්ලෝ, මේ පුංචි කෙල්ල දිහා බලද්දි, කතා කරද්දි, මේ රෝස මලට ළං වෙන්න හදද්දි, මගේ හිත ඊර්ෂ්‍යාවෙන් පිරිලා යනවා. ඒ කොල්ලන්ට  ගහන්න තරම් තරහක් එනවා. මගේ ඇස් මානෙ නැළවෙන මේ පුංචි මල කවුරුහරි නෙළා ගනීවී කියලා හිත බයෙන් ගැහෙනවා.තමන්ට අයිති වෙන්නෙ නැති දෙයක් තව කෙනෙක්ට අයිති වෙනවා දැක්කාම සාමාන්‍ය මනුස්සයෙක්ට දැනෙන ඒ සියුම් ඊර්ෂ්‍යාව අසාධාරණ නෑ කියලයි මට හිතුණේ. එයා ගැන කියලා ඉස්සරහට එන සමහර චිට් කියවලා මගේ මූණ අඳුරු වෙන හැටි, මගේ හිත ගැහෙන හැටි මටම නොදැනෙනවා නෙවෙයි.ඒත් මටවත් නොතේරෙන මේ හැඟීමෙන් මාව මුලා වෙලා වගේ..

දවසක් දා පන්ති ඉවර වෙලා ළමයි ඔක්කොම යද්දිත්, එයා යාළුවත් එක්ක නතර වුනා .මගේ හිත ඩිංගක් ගැස්සුනා. හිමින් හිමින් පොතකුත් අරන් මගේ ළඟට ආපු පුංචි කෙල්ල, "සර්" කියලා හරිම හිමින් , ගෞරවයෙන් කතා කළා.උගන්වපු පාඩමේ සටහන් අතරේ ,සුදුම සුදු පුංචි ඇඟිලි එහෙ මෙහෙ යව යව , ඒ දුඹුරු පාට බෝල ඇස් මගේ ඇස් වටේ යව යව  මගෙන් ප්‍රශ්න ඇහුවා.මගේ හිත ඇතුළෙන් සතුට විද්දෙ වතුර මලකින් වතුර විදිනවා වගේ. මම ඒ සුන්දර මූණේ හැම සියුමැලි රේඛාවක්ම හීන් සීරුවෙ විඳගත්තා. මගේ ඇස් නැවතුනේ එයා ඇඟිලි තියලා පෙන්නපු වචන පේළී වල නෙවෙයි,  ඒ හීන් සුදු ඇඟිලී ළඟ. සුදුපාට පුංචි ගලක් අල්ලපු චාම් මුද්දකින් ඒ දකුණතේ ඇඟිල්ල හැඩ වෙලා තිබුණා."මටත් තිබ්බානම් ලස්සන චාම් රත්තරං මුද්දක් දාලා ඒ වමත හැඩ කරන්න.." මගේ හිත දිව්වා..තදින් අල්ලගන්න අල්ලගන්න හදන හැම මොහොතකම මගේ හිත දිව්වා.එදා දවසම මගේ හිත පුරා සැරිසැරුවෙ ,ඒ පුංචි හුරතල් ගෑණූ ළමයා විතරයි.

මේ හිත පුරා ඇවිලෙන එකම එක සිතුවිල්ල ඔයාට කියාගන්න බැරිව මම අසරණ වෙලා.ඔයා හඳක් වගේ මගේ ජීවිතේට පායලා එනවනම් මම හුඟාක් ආසයි.නොතේරුණූ පාඩමක් කියලා දෙනවා වගේ, ඔයා ළඟට ලං වෙලා , මේ ආදරේ කියලා දෙන්නත් වෙලාවකට නොහිතෙනවා නෙවෙයි... ඒත් ඔයා මගේ ආදරේ තේරුම් නොගත්තොත්? මට දුක හිතේවී හුඟාක්ම. ඒත් මම තරහක් නෑ.. ඔව්. ඔයා මගේ ආදරේ තේරුම් නොගත්තාට මම තරහා නෑ.

එයාගේ හිනාව , ඒ කතාව,  ඒ දඟකාරකම, හුරතල් ගතිය , මේ හැම දෙයක්ම මාව තව තවත් තරුණ කලා වගේ. කවදාකවත් නැතිව මම මගේ පෙනුම ගැන හිතුවා. පාට පාට ශර්ට් ඇඳලා වෙනදාට වඩා පිළිවලට පන්තියට ආවා.මවාගත්ත දඟකාරකමකින්, උද්යෝගයකින් ,උනන්දුවකින් මම ඉගැන්නුවා. කොලුකමට කොල්ලො එවපු චිට් දෙක තුනකත් මගේ වෙනස ගැන අහලා තිබ්බෙ නැතුව නෙවෙයි. ඒත් මම මේ වෙනසට ආස කළා.මාව අවුරුදු ගාණක් ආපස්සට ඇදගෙන යන්න තරම් මේ ආදරේ ප්‍රබල වුනා.

අහම්බෙන් දවසක මම දැක්ක දෙයින් හිත කීරි ගැහුණා. පන්තිය පටන්ගන්න කලින්, පඩිපෙළක් ළඟ එයා හිටියෙ හුරුබුහුටි කොල්ලෙක් එක්ක කතා කර කර. මගේ හිත පතුරු පතුරු ගැලවිලා ගියා.ඒ හුරුබුහුටි කොල්ලා මගේ පුංචි කෙල්ලගෙ අතකිනුත් අල්ලගෙනයි හිටියෙ. ඉස්කෝලෙ යන කාලෙ බොළඳ පෙම්වතෙක් වගේ මගේ හිත අප්‍රමාණව බොළද වුනා. දරාගන්න බැරි තරම් දුකක් ආවා. තවත් බලාගෙන ඉන්න බැරි තැන මම එතනින් ඈතකට ගියා. ඔව් මම එයාගෙන් ඈතටම ගියා.

ඔයාව මට අයිති නෑ තමා. ඔව් ඒක එහෙමම වෙයි.ඒත් ඔයා කවමදාක හරි මගේ ජීවිතේට එනවනම් මම කැමතියි. මගේ පුංචි ලෝකෙ පුරාවට , මේ ජීවිතේ පුරාවට ඇවිත් සැරිසරන්න ඔයාට පුළුවන් නම්, මම මේ ජීවිතේ ඔය වෙනුවෙන් දිගහැරලා ඉවරයි. ඔයාව මලක් වගේ බලාගන්න මට පුළුවන්. ඔව් මම ඔයාව මලක් වගේ බලාගන්නවා.හරිම පරිස්සමට.. ඔයාට පුළුවන්කමක් තියෙනවනම් මේ ජීවිතේට ළං වෙන්න.. හැබැයි නෑවිත් හිට්යත් මම තරහා නෑ.. දුක දැනෙයි හුඟාක්, ඒත්..මම තරහ නෑ..අවසානෙදි මම දන්නෙ එකම එක දෙයයි.. ඒ, ආදරේට වයසක් නෑ කියලා විතරයි..

මගේ පුංචි රෝස මලේ
මමයි නුඹේ වියපත් බඹරා
නුඹ හීනෙන්වත් නොදකින කුමරා...

කළුවර රෑ සඳක් වගේ
අහසේ නුඹ ඉන්නවනම්...
ආසයි මම නොකී කවිය
නුඹට කියන්න...
තරහක් නැහැ නුඹ බැස යන්න...

මගේ පුංචි නවාතැනේ
ඇවිදින් සැරි සරනවනම්...
ආසයි මං කවුළු පියන්
ඇරලා තියන්න...
තරහක් නැහැ නෑවිත් ඉන්න... 

අවාසනාවට ඇත්ත කථාවක්.......

ගීතය මෙතනින් ලබාගන්න

කාලය වේගයෙන් ගලා ගොස් ඇත..

කාලය වේගයෙන් ගලා ගොස් ඇත. ඒ ගෙවූ කාලය වේගයෙන් ගලා ගියේ කෙසේ දැයි නොදනිමි. එහෙත් එය එසේ සිදුවී ඇත. මෙතෙක් කල් මම නුඹට මහත් සේ ආදරය කළෙමි. දැන් ඒ මතකයෙහි ඉතිරි ව ඇත්තේ ශේෂ වූ නටඹුන් පමණි.

අරණ මැද තනි වූ , කොළ හැලී අකලට ඉපල් වූ ගසක් සේ හිස් අහස දෙස බලා හිඳිමි. දැන් මට ඉතිරිව ඇත්තේ මිහිරි අතීතයක් පමණි. වර්තමානය හෝ අනාගතය පිළිබඳ සිතුවිලි එහි නැත. හෙට දවස යනු සුන් වූ තවත් එක බලාපොරොත්තුවක් පමණි.

එ දවස ඔබ මට මහත් සේ ආදරය කළ බව දැන සිටියෙමි. මම ද පෙරළා එ ලෙස ම ඔබට ආදරය කළෙමි. එසඳ ඒ ප්‍රේමයෙහි පැවති නෑඹුල් සුවඳ තවමත් ම සිත තැවරී ඇත. ඔබ හැර වෙනත් කිසියම් මතකයක් මගේ මතකයට නො නැගෙයි. එ දවස පුරපසට ද , අවපසට ද ම හද ගගනෙහි පෑයූ පුර හඳ ඔබමැ විය. ඒ ස‍‍ඳෙන් හද අරණට වැටුණ ආලෝකය මට මහත් ආලෝකයක් වූ බව ඔබ නො දැන සිටියේ ද ? 


සංසාර පුරුද්දට මෙන් අපේ හිත්වල තිබූ සියුම් සිතුවිලි පවා සමසම ව ඔබ මා අතර බෙදී ගොස් තිබුණද. එ සමයෙහි මැවූ කල්පනා සිතුවිලි සයුරෙහි කිමිදී දැනුදු ඔබ ඒ සිතුවිලි අතර සොයමි. මෙතෙක් කල් ඒ බව ඔබට නො වැටහුණේ මන්දැයි මට නො වැටහේ.

මා දැන් ජීවිතේ අගිස්සෙන් එල්ලා වැටෙන පරඬලාවක් මෙනි. මැහුමකින් ගෙතුමකින් පවා හමාර කළ නොහැකි අතහැර දමන ලද ගෙත්තමකට මගේ ජීවිතය දැන් සමාන වී ඇත. ගෙත්තම අවසන් නො වූවද එහි ඔබ මැවූ සිත්තම තවම සතුව ඇත. සියල්ල සිදුවී ඇත්තේ කිසිඳු බලාපොරොත්තුවක් රහිතව ය.

රිදුණු, ඉරි තැලුණු , බොඳ වුණු සිහින තුළ ඇත්තේ ආදරෙන් වැළඳ ගත් මතකය පමණි. එදවස ඔබ මැවූ ආදරය තුළින් හද පතුලෙහි ඇනී රිදුම් දෙන මතකය සෙවූයෙමි. එද, ඒ ආදරය එක මොහොතක රංගනයක් පමණක් බව ඔබ අහිමිව යන තෙක් කිසි විටක නො දැන සිටියෙමි.

එදා ඔබ මැවූ මිහිරිම සිහින තුළ මගේ ලෝකය ගොඩ නැංවූයෙමි. ඔබ දැන් මා කෙරෙන් ගිලිහී ගොස් ඇත. දැන් මගේ කල්පනා ලෝකයේ පිරී ඇත්තේ සිතුවිලි පමණක් දැයි මට සිතේ.

හැම අවුරුද්දක ම මගේ කාමරයට ගෙවදින අලුත් දින දසුනක ඇඳි රුවක් සේ ඔබේ රුව එහි මවා තැබූයෙමි. එහෙත් එය නිවැරදි නො වන බව දැන් මට වැටහී ඇත. දින දසුනේ පිරී තිබූ සියලු කඩදාසි එකින් එක ගිලිහී ගියා සේ ඔබේ ආදරය ද මා කෙරෙන් ගිලිහී ගොස් ඇත. මට දැන් ඉතිරි ව ඇත්තේ සෝ ළතැවුල් පිරි අතීතයක් පමණි. මම මගේ දුක එහි ම සඟවා පෙර සේ ම ඔබට ආදරය කරමි. තව දුරටත් මා එසේ කරන්නේ මා සිත නො වෙනස්ව පවතින බැවිනි. ගෙවුණ දවස් පිළිබඳව නො තැවෙමි. මන්ද මට තවත් ඉතිරිව ඇත්තේ ඔබ පිළිබඳ ව මැවූ හෙට දවස පමණි. එය ද හෙට දින මා වෙතින් ගිලිහී ගිය පසු තව දුරටත් මට අහිමි විමට ඇත්තේ කුමක්ද?

ඔබ, ඔබේ ආදරයේ අලුත් යතුර සොරා ගත් අලුත් අමුත්තාට අලුත් දසුනක් වනු ඇත. එහෙත් එසේ මා වෙත අලුත් කිරිල්ලියක පැමිණිය හොත් ඇයට දීමට තවත් මා සතු යතුරක් නොමැත. ඒ ම හද යතුර ඔබට මැ දී ඇති බැවින් ඔබ හැර වෙනත් දසුනකට මගේ කුටියේ ඉඩ නොමැති නිසා ය. ෴

දවසින් දවසට කොළයෙන් කොළයට
කොළ අඩුවෙනවා දින දසුනේ
මොහොතින් මොහොතට මා ගැන සටහන් 
වියැකී යනවා ඔබ මනසේ

පුරපස අවපස වෙනසක් වූවද
ඔබ වෙයි සඳ මගෙ හද අඹරේ
මගෙ ඒ සිතුවිලි හා සබැ‍ඳේවි ද
මුදු සිතුවිලි ඔබ හද මැදුරේ

සිතුවෙම් සිතනෙමි හුරු ලෙස ඔබ ගැන
මගෙ හිත චංචල වූයේ නෑ
දින දසුනේ තව එක කොළයක් ඇත
එක දවසකි ඉතිරිව ඇත්තේ

සිතන්න බොළඳියෙ මගේ කුටියටත්
ඔබෙ කුටියට මෙන් වසරින් වසරට
නව දින දසුනක් එනවා..

ගීතය මෙතනින් අසන්න...

අමරණීය වෙන්න කැමතිද ?

අමරණීය වෙන්න කැමතිද කියලා මම ඔයාලගෙන් ඇහුවොත් කීප දෙනෙක් හරි "කැමතියි" කිව්වොත් මම පුදුම වෙන්නේ නෑ. එහෙම හිතෙන එක ස්වාභාවිකයි. මරණයට තියන බය හින්දාත් තමන්ගේ නෑයින්, හිත මිතුරන්, දේපළ දාලා යන්න තියන අකමැත්ත හින්දාත් එහෙම හිතෙනවා ඇති. ඒවාට තියන ආසාව වැඩි වෙන තරමට ජීවත් වීමේ ආසාවත් වැඩි වෙනවා.

හැබැයි නිකමට හිතන්න අපිට අමරණීය වෙන්න අවස්ථාවක් ලැබුණා කියලා. එතකොට හැමදාටම නොමැරී ජීවත් වෙන්න පුළුවන්. මොකද හිතන්නේ?

"Tuck Everlasting" කියන්නේ 2002 වසරේ තිරගත උන චිත්‍රපටියක්. බලපු අය දන්නවා ඇති, ඒකෙ තියෙන්නේ හරිම ලස්සන කතාවක්.

"ජෙසී ටක්' කියන්නේ "ටක්" පවුලේ බාල පුතා. කැලේ තිබුණ එක්තරා දිය උල්පතකින් වතුර බීපු නිසා ඒ පවුලම අමරණීය බවට පත් වෙලා. ජෙසීත් ඔහුගේ අයියාත් දෙමව්පියනුත් කැලෑබද පුංචි ගෙදරක සරල, ලස්සන ජීවිතයක් ගෙවමින් ඉන්නවා. බැලූ බැල්මට හැම දෙනාම සතුටින්. මරණය ගැන කිසිම බයක් නැහැ. ලෝකේ සංචාරය කරන්න, කැමති කැමති දේවල් කරන්න ඕන තරම් කාලය, අවස්ථාව තියනවා.

"Tuck Everlasting" කියන්නේ 2002 වසරේ තිරගත උන චිත්‍රපටියක්. බලපු අය දන්නවා ඇති, ඒකෙ තියෙන්නේ හරිම ලස්සන කතාවක්.

"ජෙසී ටක්' කියන්නේ "ටක්" පවුලේ බාල පුතා. කැලේ තිබුණ එක්තරා දිය උල්පතකින් වතුර බීපු නිසා ඒ පවුලම අමරණීය බවට පත් වෙලා. ජෙසීත් ඔහුගේ අයියාත් දෙමව්පියනුත් කැලෑබද පුංචි ගෙදරක සරල, ලස්සන ජීවිතයක් ගෙවමින් ඉන්නවා. බැලූ බැල්මට හැම දෙනාම සතුටින්. මරණය ගැන කිසිම බයක් නැහැ. ලෝකේ සංචාරය කරන්න, කැමති කැමති දේවල් කරන්න ඕන තරම් කාලය, අවස්ථාව තියනවා.

ආදරයකින් පැරදුනොත් කොහොමද මුහුණ දෙන්නේ...

පෙම් සබඳතාවයක් බිඳ වැටී හඬමින් ලතවෙවී සිටින ඔබට

සිය පෙම් සබඳතාව බිඳී යෑම දරා ගනූ බැරි සිත් වේදනාවකි. සති මාස ගණනින් හඬමින් කල්පනා කරන්නේ යළිත් තනිකඩ දිවියට මූහූණ දෙන්නේ කෙසේද යන්න සිතමිනි. තවද සිදුවූයේ කුමක්ද දෙදෙනා අතර මහත් වූ ගැටළුව කුමක්දැයි ඔබට සේම ළඟින් ඇසූරු කළ සැමටම ගැටළුවකි. එහෙයින් මව්පියන් හෝ මිතුරු මිතුරියන් අසන ප්‍රශ් 
නවලට පිළිතුරු දීම සියල්ලටම වඩා කරදරයකි.

විවාහවීමට සිතා දිගු කලක් එකට කල් ගෙවීමෙන් ඔහූ/ඇය පිළිබඳව ඥාතීන් සේම මිතුරන් සියල්ලම දනිති. එවිට බස් රියේදී, දුම්රියේදී, කාර්යාලයේදී, අසල් වැසියන් හා ඥාතීන් හමූවූ විටදී ඔහූ පිළිබඳව විමසීම අමතක කිරීමට වෙර දරණ අතීතය යළි සිහිපත් වීමකි. 

මීළඟට සියලු ගමන් බිමන්වල යෙදුනේ ඔහූ/ඇය සමගිනි. ඇඳුම් පැළඳුම් ආයිත්තම් තෝරා දුන්නේ ඔහූ/ඇය විසිනි. මිතුරෙකුගේ සාදයකට හෝ මංගල උත්සවයකට ගියේ ද ඔහූ/ඇය සමගිනි. ඔහූගේ/ඇයගේ ඈත්වීමෙන් ඒ සියලු දේ තනිවම ඉටූකර ගැනීමට සිදුවීමද එක්තරා අන්දමක අභියෝගයකි. එහෙයින් ඔබේ වේදනාකාරී හූදකලා දිවියට අමතරව අලුත් වගකීමක් දැරීමට ද සිදුවෙයි. 

ඒ අයූරින් ඔහූ/ඇය හදිසියේ කුමන හෝ පදනමකින් ඔබෙන් ඈත් වූවොත් අලුත් හූදකලා දිවියට ඔබ ඉකිමනින් හූරුවන්නේ කුමන උපක්‍රම තුළින් දෑයි විමසා බලමූ. 

ඔහූ/ඇය සිතින් පළවා නොහැරීම 

දරා ගනූ බැරි වේදනාවක් හිමිකර දී ඔහූ/ඇය ඔබ හැර ගියේ නම් ඔහූ සිතට බලපාන ආකාරයෙන් ඈත් කිරීමට වෙර දෑරීම සූදුසූ නොවේ. යැයි ප්‍රකට සායනික මනෝ වෛද්‍යවරියක වන වර්කා වූලනී පවසන්නීය. ඒ වෙනූවට කළයූතු වඩාත්ම වැදගත්ම දේ වන්නේ ඔහූ/ඇය හැර ගිය හේතුවට යථාර්ථවාදීව බැල්මක් හෙළීමයි. එය දෙස ශුභවාදී ආකල්පයකින් හෙවත් එය සිදුවූයේ යහපතට බව සිතීමයි. හැරගිය ඔහූ/ඇය යළි සිහිපත් නොකරන්නේ යැයි සිතන තත්ත්පරයකින් යළිත් ඔහූ/ඇය සිහිපත් වීම ස්වාභාවිකයි. එහෙයින් ඔහූ/ඇය අමතක කිරීමට මූලිකවම උත්සාහ නොදරන්න. 

බොහෝ පෙම් සබඳතා බිඳී යන්නේ හදිසි සිදුවීමක් ලෙසිනි. එම හැර යාමට අවශ්‍ය මූලික ස්ථාවරත්වයක් මාස ගණනකට පෙර සිටම ක්‍රියාත්මක වේ. ඒ අතර මූලින්ම ඇත්තේ දෙදෙනා අතර ඇති කුමන හෝ නොගැලපීම්ය. එය මානසික, ධනය, රැකියාව රුචි අරුචිකම් උගත්කම ආදී වශයෙන් විවිධාකාර වූ නොගැළපීම් වීමට හැකියි. 

එහෙයින් එම සබඳතාවය අමතක කිරීමට ඇති පහසූම මඟවන්නේ සබඳතාවය පවතිද්දී ඉස්මතු වූ නොගැළපීම් හා එයින් දෙදෙනා අතර මතු වූ ගැටීම්ය. ඒවා දිගින් දිගටම නිරන්තරයෙන්ම සිදුවූ අන්දම සිහිපත් කළ විටදී එය නොගැළපෙන සම්බන්ධතාවයක් බව ඔබට වැටහේ. එයට අමතරව විවිධ මත ගැටූම් හා අදහස් නොගැළපීමෙන් ඔබට සිදු වූ ලැජ්ජාවත් හා හැඬූ දිනයන් සිහිපත් කරද්දී එම ඈත්වීම් සියූම් සාධාරණයක් හා යහපතකකි. මීළඟට ඔබ සිතිය යූත්තේ ඔහූ/ඇය සමග දිගින් දිගටම ඇසූරු කළේ නම් හෝ විවාහ වූයේනම් විඳින්නට සිදුවන හිරිහැර හා මානසික වේදනාවන්ය. එවිට ඔබේ සිතින් එම සබඳතාව බිඳ යෑමෙන් ඇති වූ වේදනාව දුරුවේ. 

එහෙයින් පෙම් සබඳතාවයක් බිඳීගිය විටදී ඔබට මෙම උපක්‍රම කිහිපයත් අනූගමනය කිරීමට හැකියි. 

1. සූපූරුදු පරිසරය අත් හැර අලුත් පරිසරයකට ඇතුළුවන්න. 

2. අලුත් මිතුරන් පිරිසක් අතරට එක්වන්න 

3. කාර්යාල සේවිකාවක්/සේවකයෙක් නම් හැකිතරමින් රාජකාරියේ නිතරවන්න. 

4. වසරක තරම් කාලයක් සහමූලින්ම යෙදිය හැකි අලුත් ප්‍රයෝජනවත් පාඨමාලාවක් හදාරන්න. 

5. සබඳතාවය බිඳීගිය අලුතදීම ජංගම දුරකතනය අක්‍රීය කර තබන්න. නොමැති නම් ඔබ තත්ත්පරෙන් තත්ත්පරය එදෙස බලන්නේ ඔහූගෙන්/ඇයගෙන් ඇමතුමක් ලැබී ඇතිද යන්නයි. එය මතකය අලුත් කරගැනීමකි. 

6. තොරතුරු විමසීමට සහෝදර හෝ මිත්‍රකමට කතා බහ කිරීමට හෝ දුක පැවසීමට සේම ඇසීමට ඔහූට/ඇයට දුරකතනයෙන් නොඅමතන්න. ඔහූගේ/ඇයගේ ඇමතුම්වලට සවන් නොදෙන්න. ඔබ තරයේම සිතිය යූත්තේ කුමන පදනමක් මත හෝ ඔහූට/ඇයට නොඅමතන ලෙසිනි. එයට හේතුව ලෙසින් දෑක්විය යූත්තේ එය අනවශ්‍ය සබඳතාවයක් බවයි. 

7. ඔහූ/ඇය ඔබ පිළිබඳ විවිධ පූද්ගලයන් සමග පැවසූ දේවල්වලට උත්තර බැඳීමටද ඉදිරිපත් නොවන්න. 

නිතර හමූවන්න වූනොත් 

ඇතැම් පෙම් සබඳතා බිඳ යෑමෙන් පසූව විඳින සිත් වේදනාව ප්‍රබල වශයෙන් දෙදෙනාට දැනෙන්නේ තව දුරටත් නිතර හමූවීමට සිදුවීම නිසාය. එකම කාර්යාලයේ, නිවෙස අසල සිටින දෙදෙනෙකු මිතුරෙකු සොයූරෙකු ආදී වශයෙන් වූ විටදීද නිතර හමූවීමක් සිදුවේ. එවන් අවස්ථාවලදී ඔබට කළ හැකි දේ. 

1. හැකිනම් වෙන කාර්යාලයකට මාරුවක් ගැනීම 

2. ඔහූව/ඇයව හැකිතරම් මඟහැරීම, දුටූවත් නොදුටූවාසේ යාම, 

3. මිතුරන්ට ඒ බව දෑන්වීමෙන් ඔවූන් ඔබේ සහයට ඉදිරිපත් වී සිතට අවශ්‍ය ශක්තිය සැපයේ. 

4. පෙර සේ එක්ව රාජකාරි කටයූතුවල නොයෙදීම 

5. දෙදෙනා එකිනෙකාට දුන් සියලු දේ ආපසූ හූවමාරු කර ගැනීම. 

වරදක් බව සිතන්න 

පෙම් සබඳතාව බිඳී පෙම්වතිය හැර යාමෙන් මද කලකට පසූව ඔහූගේ/ඇයගේ සිතේ සියූම් කලකිරීමක් හෝ පසූතැවීමක් ඇති වේ. එයට හේතුව වන්නේ කුමන වැරදි තිබූණද ඔබේ යහපත් ගතිගුණ අලුත් පෙම්වතා/පෙම්වතිය ළඟ නොමැති වීමෙනි. එවිට ඔහූ කරන්නේ විවිධ පාපොච්චාරණයන් කිරීමට ඔබව හමූවීමට, සූහදව කතා බහ කිරීමට, සමීපව ඇසූරු කිරීමට ප්‍රියවීම හා ඒ බව දෑන්වීමය. බොහෝ කතුන්/පිරිමින් ඒ උගුලට අසූවේ. මන්ද ඔබ තවමත් ඔහූට/ඇයට ආදරය කරන හෙයින් ප්‍රතික්ෂේප කිරීමේ නොහැකියාවක් ඇතිවීමයි. නමූත් මෙහිදී ඔබ තේරුම් ගත යූත්තේ ඔහූ/ඇය හැරගියේ ඔබව සහමූලින්ම පිළිකුල් වීමෙන් හෝ අන් යූවතියකට ආදරය කිරීම හේතුවෙනි ඔබ අද තනිවී සිටියද ඔහූට එසේ තනිකමක් නොවේ. එහෙයින් ඔබ යනූ ඔහූට/ඇයට තව අයෙකු පමණි. එහෙත් තවමත් ඔබ ඔහූට ආදරය කරන හෙයින් ඔහූට සමීපවීමට ඉඩ ලබාදෙමින් සිදුවන්නේ ඔහූව/ඇයව අමතක කිරීම අසීරු වීමයි. 

මෙම උපක්‍රමත් පිළිපදින්න. 

හැරගිය ඔහූ/ඇය වෙනූවෙන් දුක්වීම අත්හැර දමා අලුත් සිතක් ගොඩනගා ගැනීමට මෙම උපක්‍රමයන්ද ඔබ අනූගමනය කරන්න. 

1. ඔහූ/ඇය අමතක කිරීමට උත්සාහ නොකර ඔබ දෙදෙනාගේ සබඳතාවේ ස්වභාවය තක්සේරු කර බලන්න. ඔහූට/ඇයට දොස් පැවරීමට නොසිතන්න. මන්ද එය ක්‍රියාත්මක නොවේ. ඔහූ/ඇය සමග පැවති සබඳතාවේ ස්වභාවය තක්සේරු කරද්දී නිරායාසයෙන්ම ඔහූ/ඇය ඔබේ සිතින් ගිලිහී යෑමක් සිදුවේ. 

2. ඔහූට/ඇයට වෛර කිරීමට නොසිතන්න. ඒ වෙනූවට ඔහූ/ඇය සමග බෙදාගත් සූන්දර අවස්ථාවන් නිබඳවම සිහිපත් කරන්න. එවිට ඉක්මනින්ම එය සිතට නැඟීම අවසන් වේ. 

3. මද කලක් ගතවෙනතුරුම අලුත් සබඳතාවයක් ඇරඹීමට නොපෙළඹෙන්න. මූලින්ම ඔහූගේ/ඇයගේ හැරයාමට බලපෑ ඔබේ වැරදි අවබෝධ කරගැනීමට තරම් අවංක හා විවෘතවන්න නොමැති නම් මීළඟ පෙම්වතාද/පෙම්වතියද එම වැරදිවලට ඔබව හැරයනූ ඇත. 

4. එම අත්දෑකීම් අධ්‍යයනය කරන්න. එවිට ඔබට නොගැලපෙන හා ගැලපෙන පිරිමින් පිළිබඳව වැටහීමක් ඇති කර ගත හැක. 

එම ප්‍රේමය බිඳී යෑම පෞද්ගලිකව බලපාන්නක් බවට පත් කර නොගන්න. එසේ කළහොත් ඔබ ප්‍රබල මානසික බිඳීමකට පත්වීමකට හැකියි. එය සහමූලින්ම නොගැලපීමක් මත සිදුවූවක් හා ඔහූගේ වැරදි ක්‍රියාවක් මත සිදුවූවක් යැයි සිතන්න. එවිට ඔබට තවත් පූද්ගලයෙකු සමග සබඳකමක් ඇති කරගැනීමට හැකිවේ.

මැරෙන්නට කලින් මම ....

                මම අනිත් මිනිස්සුන්ට උදව් කරන්න ගිහින්,

          හැමදාම අන්තිමට බැනුම් අහන එක විතරයි වෙන්නේ,

නමුත් මට බැන්න දුකට වඩා,

ඒ මිනිස්සු මම කරපු දේ නිසා,

හොද තැනක ඉන්නවා දකිනකොට මට සතු‍ටුයි.

සමහර විට මම මෝඩ වෙන්න ඇති,

මම නපුරු වෙන්න ඇති,

මාව අනිත අයට දිරවන්නේ නැතුව ඇති,

ඒත් මම මමයි, මම වෙනස් වෙන්නේ නැහැ,

අදත් හෙටත් මම එහෙමමයි,

අනන්තවත් මගේ හිත රිදුනට,

එහෙම වෙන්නත් හේතුවක් ඇති,

සමහරවිට මම අනිත් අයගේ හිත් රිදවන නිසා වෙන්නත් ඇති.

ඒත් මම මමයි, ඔවුන් වෙනස් වෙන්නෙත් නැහැ,

ජීවිතයෙදි දහසක් මිනිසුන් මට හමුවෙලා ඇති,

එයිනුත් මට විශේෂ අය කිහිප දෙනෙක් ඇති,

මට සමාවෙන්න ඒ හැමදෙනාගෙන්ම,

මගෙන් වරදක් උනානම්,

කවදාහරි දවසක ඔවුන් කියාවි,

ඔවුන් නිසිමග ගෙනිච්චෙ කව්ද කියලා,

එදාට ඒ සතුටේ අයිතිකාරයා හැමොම දාලා,

යන්නට ගොසින් සිටීවි.

~.......................~

අද අලුත් දවසක්.....

ජීවිතේ කියන්නේ හරි පුදුම දෙයක්... අපි ජීවත කාලෙටම සැලසුම් හදාගෙන, බලාපොරොත්තු පුරෝගෙන ඉන්නකොට, දෛවය එක ක්ෂණයකින් ඒ හැමදේම වෙනස් කරලා අපි නොහිතපු දිහාවකට අපිව අරගෙන යනවා.

බලාපොරොත්තු අපිව ජීවත් කරනවා.. හැම අලුත් දවසකටම අපිට ජීවත් වෙන්න හේතුවක් දෙනවා...

එත් ඒ බලාපොරොත්තුව කවදාවත් අපිට ඉටු වෙනවා කියල පොරොන්දුවක් දෙන්නේ නෑ..

ජීවිතේ එහෙමයි...සමහර විට වුනු වෙනස හොඳයි කියල හිතෙනවා...ඒත් කොළඹ කලබල පාරවල්, සෙනග පිරිච්ච බස්, පාර හැම තැනම යන මිනිස්සු ජීවිතේට කොච්චර අත් දැකීම් එකතු කරනවද... හැමදේම පිළිවෙලට තියෙන, පාරේ දුවිලි බින්දුවක් වත් නැති රටක ඉඳන් මිනිස්සු දාඩිය දාන දුවිලි පිරිච්ච කොළඹ පාරක ඇවිදින්න ආස කරනවා....

ජීවිතේ ඔහොමයි....

කවදාවත් තේරුම් ගන්න බැරි මේ ජීවිතේ තේරුම් ගන්න උත්සහ ගන්නවා වෙනුවට ලැබෙන හැමදේම හොදින් බාර ගෙන ජීවත් වෙනවා නම්...

හැමදේම කොච්චර සුන්දරද?

ගුමු ගුමුව වදුලේ........ සිලි සිලිය සුළගේ..... මුණු මුනුව නදියේ... කසු කුසුව ගගුලේ... අයි මට අසුනේ..

ඔබේ පරිඝනකය ආරක්‍ෂිතද ?

පරිගණකය ගැන සහ අන්තර්ජාලය ගැන අපි ඔයාලට කියල දෙනවා කියල කිවුවනේ . හොදයි මේ ඒ සම්බන්දව පලවන දෙවන ලිපිය. මට මේ සම්බන්දව උදවු කරන්නේ  තාරක සම්පත් ගුණවර්ධන   අයියා. එහෙනම් වැඩි කතාවක් නෙතුවම අපි අද ලිපියට යමු...

ඔබේ පරිඝනකය ආරක්‍ෂිතද ?

පරිඝනක එක්ක කාලයක් තිස්සේ වැඩ කරන නිසා වගේම පොඩිකාලේ ඉඳලා තිබුන අශාවත් එක්ක පරිඝනකය ගැන ගොඩක් දේවල් ඉගෙන ගත්තා. ඒ කීවේ සියල්ල දත් කෙනෙක් කියන එක නම් නෙවෙයි. ඒත් මගේ පරිඝනකය කිසිම කරදරයක් නැතිව නඩත්තු කරගන්න මම දැන් දන්නවා. ඒ වගේම අනිත් අයටත් එයාලගේ පරිඝනක ඒ විදියට නඩත්තු කරගන්න කියල දෙන්න තරම් දැනුමක් මට දැන් තියෙනවා. ඒ වගේම බහුතරයක් පරිඝනක පිලිබඳ ප්‍රශ්න වලට පිලිතුරුත් මගේ ළඟ තියෙනවා. වැඩි හරියක් ඒවා අත්දැකීමෙන්ම ලබාගත්තු ඒවා. 

                   ඉතින් අද මම කියන්න යන්නේ මගේ හිතවත් ගොඩක් අය ගොඩක් වෙලාවට මගෙන් අහන ප්‍රශ්න ගැන සහ ඒවාගෙන් තමන්ගේ පරිගණකය බේරාගන්නේ කොහොමද කියන එක. ඒ වගේම ගොඩක් අය වැඩි සැලකිල්ලක් දක්වන්නේ නැති ඒත් දැනගත යුතුම කරුණු කීපයක්. ඉස්සර වෙලාම මම මට ආපු ප්‍රශ්න කීපයක් කියන්නම්.

* මගේ PC එකේ වයිරස් තියෙනවා අයින් කරගන්නේ කොහොමද ?

* මගේ වයිරස් ගාර්ඩ් එක හරියට වැඩ කරන්නේ නෑ. හදාගන්නේ කොහොමද ?

* මගේ PC එක SLOW වෙලා 

* මගේ ඉන්ටර්නෙට් එක SLOW වෙලා

                ඔන්න  ඔය වගේ ප්‍රශ්න ගොඩයි. ඔය වැඩිපුරම ඇහෙන ප්‍රශ්න කීපයක්. තවත් එක එක ජාතියේ  ඒවා ඇහෙනවා. ඒ තරම්ම ප්‍රශ්න. නමුත් සතුටින් කියන්න කැමතියි මගේ පරිගණකයේ ඔය කියන ලෙඩ 98% ක්ම නෑ. බොහොම හොඳින් කාලයක් තිස්සේ වැඩ කරනවා. මගේ ලැප්ටොප් එක අරගෙන දැනට අවරුදු 3 පමණ වෙනවා. මම ඒක ෆොර්මැට් කරලා තියෙන්නේ දෙපාරයි. ඒකත් ලෙඩක් නිසා නෙවෙයි. එක පාරක් OS එක වෙනස් කරන්න. අනිත් එක මම හිතාමතාම ෆයිල් කීපයක් මකලා බැලුවා වෙන වැඩකට. ඒක ආපහු හදන්න. ඒ ඇරෙන්න ගොඩක් අය කරනවා වගේ මාස දෙකෙන් තුනෙන් ෆොර්මැට් කරන්න ඕන උනේ නෑ. 

                මම පළමුවෙන්ම කියන්නම් මේ වයිරස් ප්‍රශ්නේ ගැන. එක එක ජාතියේ වයිරස් ගාර්ඩ් ඔයාල පාවිච්චි කරනවා ඇති. ඔය හැම එකක්ම නරක නෑ. හොඳයි. ඒත් එකකට එකක් වෙනස්. එකකින් හොයාගන්න වයිරස් තව එකකට අහු නොවෙන වෙලාවල් තියෙනවා. ඒක මම අත්දැකලා තියෙනවා. දැනට මම පාවිච්චි කරන්නේ AVG Internet Security. කිසිම ලෙඩක් නැතිව කරදරයක් නැතිව දුවනවා. මගේ OS එක වින්ඩෝස් 7 . ඔයාලා හැමෝගෙම වගේ Crack එකක්. ඒත් පෙන්නන්නේ Genuine කියල. මේ වෙනතුරු බිල් ගේට් මහත්තයට දැනුනෙත් නෑ මම සල්ලි දෙන්නේ නැතිව වින්ඩෝස් වල තියෙන හැමදේම පාවිච්චි කරනවා කියලා. ඒකත් පොඩි රහසක්. ඒකත් මම කියන්නම්. ඉතින් මේ වයිරස් ගාර්ඩ් එකක්නම් අපිට තියෙන්නම ඕන. ඒක අපේ ඇඟේ තියෙන ප්‍රතිශක්තිය වගේ හරියට. පරිගණකයේ ආරක්ෂකයා. ඒ වගේම ඒක අප්ඩේට් වෙන්නත් ඕන අඩුම තරමින් සතියකට වතාවක් වත්. එහෙම කරන අයටත් වයිරස් වලින් හරි කරදරයි නේද ? ගොඩක් අය වෙන වැඩ පැත්තක තියලා ඕකම කරන අයත් ඉන්නවා. ඒත් එයාලටත් ප්‍රශ්නේ එහෙමමයි. එහෙම වෙන්න හේතුව ඔයාලගේම පොඩි අඩුපාඩුවක්. ඔයාලගේ කීවට ඔයාලගේම නෙවෙයි පරිගණකයේ. අඩුපාඩුව මේකයි. වයිරස් ගාර්ඩ් එක අප්ඩේට් උනාට ඒක වින්ඩෝස් වල ආරක්ෂක පද්ධතිය දැනගන්න ඕන. එහෙම වෙන්න නම් ඔපරේටින් සිස්ටම් එකත් අප්ඩේට් වෙන්න ඕන. ඔන්න ප්‍රශ්න මතු වෙන තැන. " අපි පාවිච්චි කරන්නේ වින්ඩෝස් හොර කොපි. අප්ඩේට් කරපු ගමන් බිල් මත්තයා දැනගෙන මගේ කොපිය Black List එකට දානවා. ඩෙස්ක්ටොප් එක කළු වෙනවා. එතකොට ඔක්කොම ඉවරයි. ආයෙත් දාන්න වෙනවා වින්ඩෝස් මුල ඉඳලම." නෑ එහෙම නොවී අප්ඩේට් කරන්න ක්‍රමයක් තියෙනවා. යට තියෙන පින්තුරය බලන්න

මේකේ මම සිලෙක්ට් කරලා තියෙනේ "Download updates but let me choose whether to install them" කියන එක. ඒකට පහලින් තියෙන එක උනත් ප්‍රශ්නයක් නෑ. කොහොමහරි ෆයිල් ටික Download උනාට පස්සේ එතනින් අපිට අවශ්‍ය ටික විතරක් තෝරාගන්න ඕන. ඒ කීවේ එතන තියෙනවා එක එක ජාතියේ ඒවා. "Updates for Windows" කියලා ඒවත් තියෙනවා. ඒවා තමයි අත හරින්න ඕන ඒවා. ඒ වගේම එතන තියෙනවා "Security updates for windows" කියලා. අන්න ඒවා තමයි අපිට අවශ්‍ය ඒවා. ඒවාට අමතරව තියෙන අනිත් ඒවා ඒ තරම්ම අපිට වැදගත් නෑ. අවශ්‍ය නම් ගත්තට කමක් නෑ. ඒත් හරියට හොයල බලලා. කලින් කියපුවනම් අල්ලන්නවත් එපා. ඒවා ගත්තොත් තමයි අපිව අහුවෙන තත්වෙට එන්නේ. දැන් තොරගත්තුවා Install කරගන්න. පහල පින්තුරයේ ඒවගේ එකක්(අත්හැරිය යුතු ) තියෙනවා බලන්න ඒක.

මේ විදියට සතියකට සැරයක්වත් කරන්න. එතකොට වයිරස් ගාර්ඩ් එකත් එක්කම ඔයාගේ වින්ඩෝස් කොපි එකත් අප්ඩේට් වෙනවා. ඒ වගේම ඔයා පාවිච්චි කරන්නේ වින්ඩෝස් 7 නම් මයික්‍රොසොෆ්ට් එකෙන් දෙන "Microsoft Security Essentials" එකත් Install කරගන්න. ඒක හොඳ ආරක්ෂක මෙවලමක්. දැන් ඉතින් වැඩේ හරි. ඔය වැඩ ටික හරියට පිළිපදිනවනම් වයිරස් වලින් තියෙන කරදර 95 % ක්ම නැති කරගන්න පුළුවන්.

                   තවත් කරුණක් තමන්ගේ පරිගණකයට ඇතුලත් කරන වයිරස් ගාර්ඩ් එක තීරණය කරන්න ඕන තමන්ගේ පරිගණකයට ඒක සුදුසුද කියල බලලා. ඒ කිවේ සාමාන්‍ය අවස්ථා වලදීත් RAM එක ගොඩක් භාවිත කරන වයිරස් ගාර්ඩ් එකක් දානවනම් තමන්ගේ RAM එක ටිකක් වැඩිපුර තියෙන්න ඕන . අඩුම තරමින් 2 GB විතරවත්. එහෙම නැති උනොත් පරිගණකය වේගය ගොඩක් අඩු වෙන්න බලනවා. ඒ වගේම සමහර අය වයිරස් ගාර්ඩ් දෙකක් පාවිච්චි කරනවා. මේක වැරදි දෙයක්. ඒකෙන් ඉතාමත් බරපතල විදියට පරිගණකය වේගය අඩුවෙන්න පුළුවන්. අනෙක සාමාන්‍යයෙන් එහෙම දාන්නෙත් නෑ. ඉතින් මේ වගේ දේවල් වලින් වැළකෙන්න බලන්න.

            පරිගණකයේ වේගය අඩු වෙන්න පුළුවන් තව දෙයක් තමයි අනවශ්‍ය වැඩසටහන් අපි නොදැනුවත්වම පරිගණකය තුල ක්‍රියාත්මක වීම. මේක හේතු දෙකක් නිසා වෙන්න පුළුවන්. එකක් අපි දැනුවත්ව ඇතුලත් කරන වැඩසටහන්. ඒ වගේම අපි නොදැනුවත්ව ඇතුලත් වෙන වැඩසටහන්. මේවා හරියාකාරව හඳුනාගන්න අපිට පුළුවන් වෙන ඕන. එහෙම නැති උනොත් ලොකු අමාරුවක වැටෙන්නත් ඉඩ තියෙනවා. විශේෂයෙන් අපි නොදැනුවත්ව ඇතුලත් වෙන වැඩසටහන් වලින්. ඒවා නිසා සමහර විට පරිගණකයේ වේගය අඩු වෙනවා වගේම අපේ වටිනා වැදගත් තොරතුරු අනවශ්‍ය පුද්ගලයින් අතට පත් වෙන්නත් ඉඩ තියෙනවා. ඒ කියන්නේ අපේ ඊමේල් ලිපින , මුරපද වගේ ඒවා. ඒවා වෙන කෙනෙක් අතට පත් උනොත් වෙන දේවල් ගැන මම කියන්න ඕන නෑනේ. ගොඩක් වෙලාවට අපි සමහර සොෆ්ට්වෙයාර් ඉන්ස්ටෝල් කරනකොට අමතර සොෆ්ට්වෙයාර් නොමිලේ අපට දෙනවා. නමුත් අපිට ඒක නවත්වන්න පුළුවන්. ගොඩක් වෙලාවට ඒක Tool Bar එකක් එහෙම නැතිනම් Security Tool එකක්. අපි ළඟ ආරක්ෂාව තියෙන එකේ ඒ වගේ එකක් ආයෙත් දාගන්න ඕන නෑනේ. ඒවගෙන් ඇත්තටම වෙන්නේ ආරක්ෂාවට වැඩිය වෙළඳ දැන්වීම් ගොඩක් ඉබේම අපිට ලැබීමට සලස්වන එකයි. ඒ වෙළඳ දැන්වීම් හරහා පරිගණකයට හානිකර වැඩසටහන් පැමිණීමට ඇති ඉඩ කඩ බොහොම වැඩියි.

                  එහෙම අපිට ඕන නැති දේවල් ක්‍රියාත්මක වෙනවද කියලා බලාගන්නේ මෙහෙමයි. ඉස්සර වෙලාම Task Manager එකට යන්න ඕන. යතුරු පුවරුවේ Ctrl + Alt + Delete ඔබලා ඒකට යන්න පුළුවන්. ඊට පස්සේ ඔබන්න එකේ "Processes" කියන ටැබ් එක. ඒකේ පෙන්න තියෙනවා මේ වෙලාවේ ඔයාගේ පරිගණකයේ පිටතට නොපෙනී ක්‍රියාත්මක වෙන දේවල් මොනවද කියලා. ඒ වගේම ඒවාට වැය වෙන මතක ධාරිතාවයත්. මෙතනින් අනවශ්‍ය වැඩසටහන් නවත්වා දැමීමට අපිට හැකියාව තියෙනවා. 

එහෙම නවත්වනකොට ප්‍රවේශම් වෙන්න ඕන පරිගණකය ක්‍රියාත්මක වීමට අවශ්‍යම කරන ඒවා නවත්වන්න එපා. වැරදීමකින් හරි එහෙම උනොත් ඒකට බය වෙන්න එපා. සමහර විට පරිගණකය රිස්ටාර්ට් කරන්න ඕන කියයි එච්චරයි. එතැනදී බලාගන්න පුළුවන් සමහර වැඩසටහන් මතකය කොතරම් භාවිත කරනවද කියලා. ඒ වැඩසටහන් අතරින් අපි දැනුවත්ව ඇතුලත් කරපුවා, නැති ඒවා අපිට තෝරාගැනීමේ හැකියාව තියෙන්න ඕන. එහෙම අනවශ්‍ය දෙයක් වැඩිපුර මතකයක් ලබාගෙන ක්‍රියාත්මක වෙනවනම් වහාම එය නවත්වා දැමීමටත් පරිගණකයෙන් එය සම්පුර්ණයෙන් ඉවත් කිරීමටත් පියවර ගන්න. මාසයකට සැරයක්වත් මේ විදියට මේවා පරික්ෂා කිරීමට පුරුදු වෙනවනම් ඉතාමත් හොඳයි. 

             පරිගණකයේ වේගය වැඩි කරගැනීමට කළහැකි තවත් දේවල් තියෙනවා. එකක් තමයි Defragmentation. මේකත් මාසයකට සැරයක්වත් කරනවානම් ඉතාමත් හොඳ දෙයක්. ඒකෙන් වෙන්නේ අපි පරිගණකයේ තැන් තැන් වල තියෙන ෆයිල් පරිගණකයට ක්‍රියා කිරීමට පහසු ආකාරයට පිළිවෙලකට සකස් කිරීමයි. Defragment කරන්න ඕන කරන ඩ්‍රයිව් එක උඩ රයිට් ක්ලික් කරලා Properties වලට ගිහින් ඒකේ තියෙන Tools වලට ගියාම වැඩේ කරගන්න පුළුවන්.

             මිට අමතරව අන්තර්ජාලය සැරිසරන විට ගොඩක් වෙලාවට නොමිලේ දෙන වැඩසටහන් අපිට ලැබෙනවා. අත්‍යවශ්‍ය දෙයක් හැරෙන්න එහෙම ඒවාට අහුවෙන්න එපා. ඒවත් ගොඩක් වෙලාවට වෙළඳ රැවටීම් විතරයි. අන්තර්ජාලයෙන් තමයි අපි වැඩිපුරම ප්‍රවේශම් වෙන්න ඕන. හානිකර වැඩසටහන් වැඩිපුරම පරිගණකයට පැමිණෙන්නේ අන්තර්ජාලයෙන්. මොකද අන්තර්ජාලය කියන්නේ හොඳ දේවල් වගේම නරක දේවල් වලිනුත් පිරිච්ච තැනක්. ඉතින් අපි එතනින් හොඳ දේ පමණක් තෝරලා ගන්න දැනගන්න ඕන.

                 මම මේ කියල දුන්නේ අපි පරිගණකය භාවිතා කරනකොට සැලකිල්ලක් දක්වන්න අවශ්‍යම තැන් කීපයක්. ඒත් තවත් මේ වගේම සැලකිලිමත් වියයුතු තැන් ගොඩක් තියෙනවා. ඉදිරියට තවත් ඒ වගේ ඒවා බලාපොරොත්තුවෙන් ඉන්න. මේ ලිපියේ නොතේරුණු තැන් ඒ වගේම වැඩි දුරට දැනගතයුතු දේවල් ඇත්නම් කොමන්ට් එකක් දාන්න. 

හොදයි අපි තවත් දවසක මුණ ගැහෙමු..  ඔයාලට සුභ හෙට දවසක්... මම තාරක ..

හදිස්සියට ඕනි වෙන එව්වා.. හොර වැඩ .. අන්තර්ජාලයේ හොර වැඩ ..

  තොටුපල කියල කියන්නේ ගොඩක් සංවේදී පුංචි පවුලක්. අපි අපේ දැණුම බෙදාගන්න හදන්නේ. මගේ දරුවෝ අන්තර්ජාලය භාවිත කරන නිසා ඊට අදාල වෙන පුංචි රහස් වගයක් උගන්වන්නයි හදන්නේ.

මේ කටයුත්ත සදහා මට සම්පත් දායකත්වය සපයන්නේ. තාරක සම්පත් ගුණවර්ධන කියල අයියා කෙනෙක්. ඉතින් ඔබ වෙනුවෙන් මම ඔහුට ස්තුති වන්ත වෙනවා.. ඔබත් මෙකී අන්තර්ජාලය තුල සේරිසරමින් ඉගෙනගනිමින් සතුටු වන්න. නමුත් මිතුරන්ගේ හිතට දුක් ගෙන නොදෙන්න. දැණුම නිසි ලෙස ප්‍රයෝජනයට ගන්න.

1.) ටොරන්ට් ඉක්මනින් බාන්න...

මේකනම් වැඩියෙන්ම ඕනි වෙන්නේ ඔය ෆිල්ම් ගේම් එහෙම රෑ නිදාමරාගෙන බොහොම ඇප කැප වෙලා බාගන්න ට්‍රයි කොරන කස්ටියට. මොකද ඔය ගොඩක් ෆිල්ම් ගේම්ස් සල්ලි දීලා ගන්නවට වැඩිය ඉතින් අපි ගොඩ දෙනෙක් කරන්නේ ටොරන්ට් වලින් බා ගන්න එකනේ. ඒත් ඔය ටොරන්ට් බාද්දි තියන ලොකුම අවුලක් තමයි ඒකේ ස්පීඩ් එක අඩු වෙන එක. මොකද ඕකේ ස්පීඩ් එකට අපේ නෙට් ස්පීඩ් එකට වඩා බලපානවනේ ඕකේ සීඩර්ස්ලා ගාන එහෙම. ඊටපස්සේ බන්ඩ්විත් අරක මේක වැඩි කරන්න ඕනි. එහෙම කරලත් ස්ලෝ වෙනවා. එතකොට එපා වෙනවා. දුක හිතෙනවා. මද කිපෙනවා..තව ගොඩක් එව්වා වෙනවනේ. ඉතින් එහෙම නැතුව ඕනිම ටොරන්ට් ෆයිල් එකක් ඩරෙක්ට් අපිට තියන ඩවුන්ලෝඩරේකින් බාගන්න විදිහක් තියනවා. ඒක කරන්නේ මෙහෙමයි. ඉස්සෙල්ලම අපි වෙනදා වගේම බාගන්න ඕනි ටොරන්ට් එක මොකද්ද කියලා හොයාගෙන ටොරන්ට් ලින්ක් එක බාගන්න ඕනි. වෙනදා වගේම. එතකොට පොඩි ෆයිල් එකක් ඩවුන් වෙනවනේ. ඉස්සර ඕක ඩබල් ක්ලික් කලාමනේ ටොරන්ට් එක බෑවෙන්න පටන්න්නේ. අන්න ඒ චූට්ටං ෆයිල් එක බාගෙන යන්න මෙන්න මේ සයිට් එකට..
www.zbigz.com

මේ වෙලාවේ මේකට කෙලින්ම link එක දන්නා බැරිවුනාට සමාවෙන්න.

ඔන්න ඕකට ගිහාම ඕකේ උඩම ඇති අප්ලෝඩ් ටොරන්ට් ෆයිල් කියලා. අන්න එතනට අර අපි ඩවුන් කල ටොරන්ට් ෆයිල් එක අප්ලෝඩ් කලාම ටිකකින් අපිට අපි බාන්න ඕනි ෆිල්ම් එක හෝ මොකේ හරි නියම mb/gb ගාන තියන ෆයිල් එකක් පෙන්නනවා. ඒක ක්ලික් කල ගමන් අපිට බාගන්න ඕනි මොකක් හරි එක අපේ තියන ඩවුන්ලෝඩරේකින් ඩිරෙක්ට් බෑවෙනවා. උදාහරනෙකට IDM තියනම් ඒකෙන් බෑවෙනවා. අපේ නෙට් කනෙක්ෂන් එකේ ස්පීඩ් එක අනුව ඕකේ ස්පීඩ් එකවෙනස්වෙනවා. කැමතිනම් ඔය සයිට් එකේ ෆ්‍රී අකවුන්ට් එකක් හදා ගන්නත් පුළුවන්..

URL එකකින් වෛරස් චෙක් කරගන්න...

අපේ ගොඩක් අය විශේෂයෙන් මාළු බාන කට්ටිය ඒ කිව්වේ මේ හැක් කරන විදිහක් එහෙම අය ගොඩක් වෙලාවට ලින්ක් එවනවනේ අනේ මේක ක්ලික් කරන්න කියලා. ඊට අමතරවත් අන්තර්ජංජාලයේ තියනවා එක එක විදිහේ වෛරස් අන්තර්ගත සයිට්. අන්න ඒවට යන්න කලින් තමන්ට එහෙම පොඩි බයක් තියනවනම්. නැත්නම් සුවර් නැත්නම් මෙන්න මේ සයිට් එකට ගිහින් අදාල ලින්ක් එක දීලා ස්කෑන් කලාම ඒ සයිට් එකේ හෝ මොකේ හරි වෛරස් තියද කියලා හොයාත්තෑකි. හැබැයි මේක 100%ක්ම් හරියනවද කියලනම් මම දන්නෑ. සමහරවිට මේකටත් අහුනොවෙන දේවල් තියෙන්න පුළුළුන්. ඒත් මොකුත්ම නැතුවට වඩා මේකත් හොදයි. ඔන්න යන්න පහලින්..

මෙන්න මේක ඔබන්න..

හොදම වෛරස් ගාඩ් ගොඩකින් ෆයිල් ස්කෑන් කර ගන්න...

ගොඩක් වෙලාවට අපි ගාව තියෙන්නේ වෛරස්ගාඩ් එකක් හෝ දෙකක්නේ. සමහර ෆයිල් තියනවා එක වෛරස් ගාඩ් එකකින් මේක වෛරස් එකක් කියලා කියද්දි වෙන එකකින් කියනාවා කිසි අවුලක් නෑ කියලා. අහිංසක අපි අනාත වෙනවා. අන්න එහෙම වෙලාවට මේ වගේ සයිට් එකකට ගිහින් අපිට ස්කෑන් කරන්න ඕනි ෆයිල් එක අප්ලෝඩ් කලාම ලෝකේ හොදයි කියන ගෙගාඩක් වෛරස් ගාඩ් වලින් ඒ ෆයිල් එක ස්කෑන් කරලා එක එක වෛරස් ගාඩ් එක මේ ෆයිල් එක ගැන කියන දේවල් වෙන වෙනම පේනනවා. කරගෙනම බලන්නකෝ...

මෙතනින් යන්න...

හොරෙන් මේල් යවන්න...

හොද එව්වා ටිකක් කියද්දි පොඩ්ඩක් හොර එව්වත් කියන්නම එපැයි නේද..නැත්නම් නිකන් මොකද්ද මොකද්ද වගේ. හොර වැඩ කිව්වට ඉතින් ඇත්තටම මේක අස්සේ මේ මොකද්ද වෙන්නේ කියලා නොදැන මේක පට්ට සයිට් එකනේ දෙන්නම් බැටේ කියලා නරක වැඩට යොදාගත්තොත්නම් ඉතින් කොච්චර හොරෙන් යැව්වත් යැව්වේ කොහෙන්ද එන්නේ කොහොමද කියලත් හොයාන්න පුළුවන්. මම දැන් නොකිව්වට.. ;) ඒ හින්දා මේවා යාළුවෙක්දෙන්නෙක් බය කරන්න විතරක් තියාගන්න එක හොඳයි. මේකයි වෙන්නේ. මේ සයිට් එකෙන් පුළුවන් ඇනෝනිමස් e-mail යවන්න . මේ වගේ ගොඩක් සයිට් තිබුනත් මේක ටිකක් අනිත් ඒවට වඩා ඉස්සරහින් තියනවා. 

මෙතනින් යන්න..

 බලන්න දෙන්නෑ කියපුවා බලන්න...

මේකනම් ටිකක් ප්‍රසිද්ද සයිට් එකක්. කෙටියෙන්ම කියනවනම් යන්න නොදී බ්ලොක් කරලා තියන සයිට් වලට යන්න පුළුවන් මේකෙන් කිසිම අවුලක් නැතුව. පොඩ්ඩක් එපා වෙන්නේ ඇඩ් වැඩියි. එහෙම ඇඩ් නැතුව තමන්ගෙම කියලා ප්‍රොක්සි සර්වර් එකක් හදාගන්න හැටි පස්සේ කියන්නම්. එතකොට නම් කිසිම අවුලක් නැතුව ඕනිම සයිට් එකකට පරක්කුවක් නැතුව යන්න පුළුවන්. දැනට මේවෑන් ගිහින් බලන්නකෝ...

මේ තියෙන්නේ. පලවෙනි එක.

මේ තියෙන්නේ දෙවෙනි

එහෙනම් අදට ඇති. 

මෙම ලිපිය ලියන්න උදවු කළේ තාරක. ඉතින් ඔහු දන්න තව ගොඩක් දේවල් එක්ක අපි අයෙමත් එන්නම්. 

ශිරාණි බණ්ඩාරනායක 'තවමත් අගවිනිසුරු' - නීතිවේදීහු

   අලුත් අගවිනිසුරු පිළිගන්න එපා - නීතිවේදීහු

'නීතිවිරෝධී අයුරින්' දෝෂාභියෝග චෝදනාවලට වැරදිකරු කොට අගවිනිසුරුවරිය පදවියෙන් පහකිරීමට ශ්‍රී ලංකා ආණ්ඩුව කටයුතු කලහොත් පත්කෙරෙන අලුත් අගවිනිසුරුවරයා පිළිනොගන්නා මෙන් නීතිවේදීන්ගේ එකමුතුව අගවිනිසුරු ශිරාණි බණ්ඩාරනායක ඇතුළු ශ්‍රේෂ්ඨාධිකරණ විනිසුරුවරුන්ගෙන් ඉල්ලීමක් කරයි.

පාර්ලිමේන්තු ස්ථාවර නියෝග යටතේ පත්කරන ලද කමිටුවකට ඉහල අධිකරණයේ විනිශ්චයකරුවන් සම්බන්ධයෙන් තීන්දු ගැනීමේ බලයක් නොමැති බවට ශ්‍රේෂ්ඨාධිකරණය මේ මස මුලදී තීන්දු කළ බවත්, එම තීන්දුව මත පදනම් වී පාර්ලිමේන්තු තේරීම් කාරක සභාවේ ආණ්ඩු පක්ෂ මන්ත්‍රීවරුන්ගේ වාර්තාව බල රහිත බව අභියාචනාධිකරණය විසින් තීන්දු කරන ලද බවත් පෙන්වා දෙන නීතිවේදීහු, මේ තත්ත්වය යටතේ අගවිනිසුරුවරිය පදවියෙන් පහකිරීමට දැරෙන සියලු ප්‍රයත්නයන් නීතිවිරෝධී බව අවධාරණය කරති.

එම තීන්දු දෙකම නොසලකා පාර්ලිමේන්තුව විසින් දෝෂාභියෝග යෝජනාව විභාගයට ගැනෙමින් තිබෙන අතර, ඉන් අනතුරුව "නීතිවිරෝධී ලෙසින්" අගවිනිසුරුවරිය පදවියෙන් පහකිරීමට ශ්‍රී ලංකා නඩුව කටයුතු කරමින් සිටින නමුත්, "අප එකඟ වූවත්, නොවූවත්," අධිකරණයේ තීන්දු ප්‍රකාර කටයුතු කිරීමට අගවිනිසුරුවරිය ඇතුළු සියලුම ශ්‍රේෂ්ඨාධිකරණ විනිසුරුවරුන් බැඳී සිටින බවයි, නිවේදනයේ දැක්වෙන්නේ.

ශ්‍රී ලංකාවේ අධිකරණය සහ නීතිවේදීන් ශ්‍රී ලංකා ඉතිහාසයේ "බරපතලම අර්බුදයට" මුහුණදෙමින් සිටින මොහොතේ අධිකරණයේ ස්වාධීනත්වය රැකගැනීම සඳහා ක්‍රියාකරන මෙන් ආචාර්ය ජයම්පති වික්‍රමරත්න සහ ශ්‍රීනාත් පෙරේරා ජනාධිපති නීතිවේදීන් විසින් අත්සන් තබා ඇති එම නිවේදනය ශ්‍රේෂ්ඨාධිකරණ විනිසුරුවරුන්ගෙන් ඉල්ලා සිටියි.

මේ පිලිබදව තවත් විස්තර සදහා මෙම වෙබ් පිටුවට එකතු වන්න....

"මේ අලුත් කඳුලු ඔබටමයි..ඔබෙ කවි වලට ගන්නට හැකි.."

මේ විසල් අහස යට කොහේ හෝ දෙතැනක ඔබත් මමත් ඇති..ඔය දෑතේ පැටලීගෙන මම නොසිටියත් කොහේ හෝ තැනක ඔයා ඔයාගෙ ජීවිතේ සොයනව ඇති.. ඉස්සර වගේම නිම්නැතිව ඔයාට ආදරේ කරන ඔයාගෙ සදාදර පෙම්වතිය වෙලා තවමත් මම ඔයාගෙ ලඟින්ම ඉන්නව කියල සමහරවිට ඔයා නොදන්නව ඇති..

මට මතකයි දවසක් ඔයා කිව්ව ඔයා දැකපු ලස්සනම ඇස් දෙක මගේලු..මේ ඇස් දිහා බලන් ඉද්දි ඔයා කවියෙක්ලු..ඒ තරම් සුන්දරයි ලු ..ඊට පහුවදා සුදු පාට කොලේක ඔයාගෙ දිගටි අකුරු වලින් ලියපු කවි පේලි කීපය කියවල මේ ඇස් වල කඳුලු බොඳවුනේ දුකට නෙමේ සතුටට.. “ඇත්තටම ඔයා මෙච්චරම ආදරයිද මට ?”මම මගෙන්ම ඇහුව වාර අනන්තයි.. ඒ මේ ලෝකෙ ඉන්න වාසනාවන්තම පෙම්වතිය මම බව එදා මට දැනුනු නිසා.. ඒ අතීතය මතක් වෙද්දි තාමත් හිතට ලෝබයි... හිත රිදෙනව තමයි ඒත් පපුවට දැනෙන ඒ ඔයාගෙයි මගෙයි ආදරේ මතක් වෙද්දි මේ අතීතෙ සැරිසරන්න පුදුමාකාර ලෝබකමක් දැනෙනවා..

අහසට දුක හිතුනම අහස හඬනවා..හීනියට වහින පොද වැස්සක ඉඳල මහා මුරුගුසන් වරුසාවක් වෙන තුරුම අහස හඬනව..ඒත් ඒ අහස තරම් නිදහසෙ හඩන්නවත් මම පින් කරල නැහැ.. ලතැවිලි ඔක්කොම හිතේ දරාගෙන මම නිහඬවම දුක් ගන්නවා...පන්සලක් වගේ නිස්කලංක හිතක් කුනාටුවක් වගේ සැඩට අපිලිවෙල වෙද්දි කඳුලු සඟවන්න උත්සහ ගන්නවා....ඔයා ආදරේ කල.. කවි ලියපු.. ඒ නිල්පාට ඇස් දෙක කඳුලු හිර කරන් වැලපෙනවා..

ඇත්ත.. මේ ඇස් රතු කරන් හඬල වැලපිලා මම කොහොමද ඔයාට දුකක් දෙන්නෙ..ඒ නිසා මම කඳුලු සැඟෙව්ව තමයි..මම සතුටින් කියල ලෝකෙට පේන්න හිනා වුනා තමයි. සත්තකින්ම හැඟීමක් දැනීමක් නැති කලු ගලක් වගේ මම උන්නා තමයි..ඒත් කොයි තරම්ද එකම එක මොහොතක් විතරයි මට එහෙම ඉන්න පුලුවන් වුනේ .. සමාවෙන්න ආයෙත් මගේ ඇස් වල කඳුලු දියවෙලා..

මටත් හොරෙන්ම මේ දඩබ්බර ඇස් වලින් කඳුලු වැටුනා..ඇත්තමයි එදා මේ ඇස් දෙකට ඔයා පැරදුනා වගේම මමත් අද පැරදුනා..මටම කීකරු නැති මගේ ඇස් මට හිතුවක්කර වෙලා කදුලු එක්ක තරඟ කරද්දි., අහින්සක මම දුක් විදින ඇස් එක්ක පෙරළි පාලා හොඳටෝම වෙහෙස වුනා විතරයි..

මම දවල් රෑ නැතුව මග බලන් හිටියා.. මේ ඇස් රිදෙනකල් ඔයා ගැන හිත හිත ඔයා එනකල් මග බලන් හිටියා.... එහෙම ලතැවන මේ හිත සීමාවක් නැතිව තවත් දුක් ගන්නව..මේ ඇස් වලට තවත් කඳුලු ගන්නව..

ඉතින් ඔයාට තේරෙනව නේද එදා ඔයා කවි ලියපු ඒ නිලුපුල් ඇස් දැන් මං ලඟ නැහැ..ඒ ඇස් රතු වෙලා..නිල් පාට සේදිල ගියා.. ඉතින් කොහොමද ඔයා තව දුරටත් කවියෙක් වෙන්නෙ.. ඔයා කොහොමද කවි ලියන්නෙ.. ඔයාට කවි ලියන්න සුන්දර බවක් ඒ ඇස් ලඟ දැන් නැහැ..ඔයාම නේද ඒ ඇස් දෙක උදුරගත්තෙ මගෙන්..ඔයාට ඕනමනම් තව එකම එක කවියක් ලියන්න මම අවසර දෙන්නම් හැබැයි ඒ මේ නිලුපුල් වලට ණය වුන ඔයා දකින ඇස් ගැන නෙමෙයි ඔයා වෙනුවෙන් අලුතින් කඳුලු වගුරන මගේ මේ ඇස් දෙක ගැන..මගේම ඇස් දෙක ගැන.. ..